- Aftur á forsíðu
Á vefsíðu Information má lesa umfjöllun um bók eftir fyrrverandi lektor í Árósum, Aage Jørgensen, sem kemur út í næstu viku. Bókin heitir ‘Nærved og næsten. Danske Nobelpristabere fra Brandes til Blixen – en dokumentation’. Blaðamaður Information er búinn að lesa bókina og gerir að umfjöllun hvers vegna Karen Blixen fékk aldrei Nóbel. Hann vitnar m.a. í Horace Engdahl fyrrverandi ritara Sænsku Akademíunnar, sem sagði það eina af fortíðarsyndum þeirrar klíku að hafa á sínum tíma sniðgengið Blixen. Það er óþarfi að endursegja greinina í Information, sem hér er hægt að lesa, en nærsýn augu mín runnu smávegis í kross þegar ég las að Gunnar Gunnarsson og Halldór Laxness hefðu fengið verðlaunin 1955 og það hefði staðið í vegi fyrir að Karen Blixen hlyti þennan mikla heiður. Hmmmmm?
Þórdís
Mig hefur kannski dreymt það, en ég hélt reyndar að þetta væri viðurkennd söguskoðun í Danmörku.
Það vissi ég ekki.
Viðurkennd er kannski aðeins og sterkt til orða tekið, en mig minnir að ég hafi heyrt þessu fleygt einhvers staðar áður. En mig hefur áreiðanlega bara dreymt það … Eða heyrt Aage nefna það á kaffistofunni …
SvD skrifaði annars um Blixen í janúarbyrjun
Og hér um konur og Nóbel (en þið bókagellur hafið eflaust séð þetta).
En ekki halda danskir fræðimenn samt almennt að Gunnar hafi fengið Nóbel með Halldóri? Ætli þetta standi í bókinni eða sé misskilningur blaðamannsins?
Já, nú skil ég! Ætli hafi upphaflega átt að skipta verðlaununum á milli þeirra? Maður verður eiginlega að lesa bókina núna …
Kíktu endilega í hana ef þú sérð hana í búð eða á safni (hún á að koma formlega út 26. janúar skv. Information) og láttu okkur vita hvers þú verður vísari.